إيه حكاية التدريب على منصة التدريب والتطوير المهني الالكترونية
بص يا سيدي التدريب دا لمعلمي الصفوف الأولى من الصف الأول حتى الرابع الابتدائي .
مين بقى المعلمين دول وتخصصات إيه .
دي تخصصات لغة عربية ورياضيات وعلوم
طيب حنعرف المعلمين دول إزاي .....أقولك .
فاكر في أول السنة لما دخلنا على صفحة المدرسة وسجلنا أسماء المعلمين وكل معلم مادة التدريس قصاد اسمه ودا كان على تطبيق class assignments يعني أسماء المعلمين موجودة بالفعل
كل إللي حيحصل إن مسئول الاحصاء بالمدرسة يطبع الكشوف دي ويسلمها لمدير المدرسة
طيب لو فيه مدرسة ما سجلتش أسماء المعلمين ؟ عادي يلحق ويسجل أسماء المعلمين قبل يوم الأحد ٤/١٠
بعد كدا كل معلم من معلمين الصفوف الأولى عربي ورياضيات وعلوم حيدخل على منصة
CPD. moe. gov. eg
من جوجل وحينشط الحساب الموحد بتاعه يعني الايميل الموحد وبيكون زي دا sharkia2.moe.edu.eg@ الكود
وتحتفظ بالايميل دا والرقم السري ....ليه نحتفظ بهم
أقولك
بعد ما تعرف إيميلك الموحد والرقم السري حمل منصة teams من المتجر حتلاقي شكلها أزرق كدا
ودي إللي حتكتب فيها إيميلك والرقم السري وتحضر التدريب أونلاين وأنت في بيتك من تليفونك ودا من يوم الاحد القادم حتى الخميس من الساعة ٤ : ٥ ومن ٩: ١٠ مساءاً
طيب مش مسجل ومش حاضر التدريب دا ... حيحصل إيه ؟
بص يا سيدي ....مش اسم حضرتك مسجل قبل كدا تمام مسئول الاحصاء بالإدارة و المدرسة حيظهر عنده على صفحة التلميذ مين سجل ودخل التدريب ومين ما دخلش بالأمانة زي ما بكلمك كدا
وكشوف المعلمين قبل التدريب وبعد التدريب حتسلم من قسم الاحصاء بالإدارة لإدارة التدريب وبعدين تسلم للمديرية ومنها للوزارة وموجود فيها من سجل وحضر ومن لم يسجل ولم يحضر التدريب وما يتخذوه من إجراء راجع للمديرية.
يعني التدريب دا لمعلم الصفوف الأولى والرابع ...تمام مواد لغة عربية ورياضيات وعلوم .
ولو مش عارف تسجل كلم مسئول الاحصاء بالمدرسة يساعدك .ودا لازم قبل يوم الأحد المقبل .
قوم ما تكسلش وسجل ايميلك والرقم السري على المنصة دي
CPD. moe. gov. eg
وبعدين حمل تطبيق teams على تليفونك علشان تسمع ونشوف التدريب من يوم الاحد ...ولو اتلخبطت ومش عارف تعمل حاجة كلم مسئول الاحصاء بالمدرسة ومدير المدرسة لازم يهتم لأن الموضوع هام جدا جدا .
ربنا يوفقكم جميعاً
رابط منصة التدريب :https://cpd.moe.gov.eg/?fbclid=IwAR124UTkl2s7NLJkDzj_T3k5il5FycDqRziLPyozasdUt9B9bXp3FU-mUnI