لاول مرة منذ انشائها الجامعات الخاصه في ورطه والطلاب دفعة التابلت هم الضحية
- أمين مجلس الجامعات الخاصة والأهلية صرح منذ ايام أنه سيتم قبول 40 ألف طالب في الجامعات الخاصة هذا العام.وكان المقرر إغلاق باب تسجيل الرغبات الأحد الموافق 2021/9/5م
- اما الواقع الفعلي في أعداد المتقدمين حتى الآن حسب الأرقام الرسمية 22 ألف طالب فقط، يعني يا دوب نصف أعداد المقاعد المتاحة.
- وهذا يعتبر مشكلة وورطة كبيرة جدا ودليل على إن التنسيق اللي حصل ده كله لم يكن مدروسا من البداية، وكان المفروض ينزل 5% كمان على الأقل.
- ولذلك قرروا مد تسجيل الرغبات حتى يوم الخميس الموافق 2021/9/9م، على أمل يقدم كام ألف كمان للكليات الخاصة، وده صعب جدا جدا، اللي عاوز يقدم للخاص خلاص قدم، واللي اتأخروا عن التقديم أكيد هيكون عدد ضئيل جدا.
- فلو على فرض إننا وصلنا ل30 ألف طالب على أقصى تقدير، فهما لسة هيكونوا في احتياج ل10 آلاف طالب آخر.
- ولو هو محتاج يقبل 40 ألف طالب، فالطبيعي إنه بيتيح فرصة التسجيل ل100 ألف طالب زي السنين اللي فاتت وبعدين يختار ال40 ألف بتوعه من الطلبة على أساس التنسيق الداخلي، لكن هو محتاج يقبل 40 ألف طالب
- وكل الطلاب الي سجلوا رغبات 20 ألف بس، فدي كارثة بكل المقاييس، وعقاب جماعي للطلبة والجامعات الخاصة اللي هتقفل لو الوضع استمر بالتنسيق ده، وبالتالي لازم التنسيق يقل.
-وجميع الجامعات الخاصة مركزين على القطاع الطبي والهندسي فقط، وده صح فعلا؛ لأن الجامعات الخاصة أغلب الكليات اللي فيها ما بين طبي وهندسي
- بالتالي المقاعد المتاحة للطبي والهندسي أكبر من الأدبي في الجامعات الخاصة، بخلاف الحكومي اللي بتكون الأعداد ضخمة جدا في قطاع الكليات الأدبية.