بالنسبه لاختبار الصف الرابع الابتدائي هايكون كالتالي :
اولا اختبار قصير ( كويز ) في الشهر الاول ب ١٥ درجة
ثانيا اختبار قصير ( كويز ) قي الشهر الثاني ١٥ درجة
ثالثا اختبار في نهايه الفصل الدراسي الاول ب ٣٠ درجة
مهمة ادائية من ٣٥ درجه
5 درجات مواظبة على الحضور
ابقى كده كله 100 درجه
👊👊👊
🤔نيجي بقه لمواصفات الاختبارات دي
شكل الامتحان هايكون عباره عن
🌺 اختيار من متعدد
🌺صح وغلط
🌺 توصيل
🌺اسئلة ذات اجابات قصيرة
طب هايجي منين الامتحان ومين هايشرف عليه
👧👧الوزارة هاتحط نماذج للمعلمين على موقع بنك المعرفه على منصة الرابع الابتدائي والمعلم يدخل يطبعها ويشرف على الامتحانات الاول والتاني اما التالت المدرسه هاتشرف عليه ....
✔✔✔✔
بالنسبة للمهام الادائية
دي مهمه تاخد حصتين حصة المعلمة تجهز لها وحصة التلاميذ يقوموا بعملها . طب هي ايه
هي عمل هايقوم بيه التلميذ داخل الفصل دون امكانات مخصصه لذلك عباره عن رسم او مخطط او كتابة وبتكون مختلفه من تلميذ لاخر يعني هانخير التلاميذ تحب مهمتك تكون ايه
😎😎😎
ودي هاتكون فين ؟؟
برضه الوزارة هاتنزل خمس مهام ادائيه وتسيبهم للمعلم بس هو اللي يعرف يوصل لهم والمعلم هايطبع و التلاميذ تعملهم داخل الحصه ولازم يكون مع المعلم دليل ان التلميذ عمل المهمه
طيب ٣٥ درجه بتوع المهام تتوزع ازاي
خمس درجات جدية
خمس درجات تخطيط
خمسه وعشرين تنفيذ المهمة
ملحوظه كل الاختبارات مبنية على نواتج التعلم يعني مش على المنهج يعني زي ما احنا واخدين عليه .. مفيش اي شىء مباشر من الكتاب ..
بعد كل الاختبارات ترم اول وتاني بتتقسم ويتاخد متوسط وتطلع النتيجه الوان ازرق واخضر واصفر و احمر واللي ربنا ما وفقوش واخد احمر من حقه دور تاني لو كان لون احمر في اربع مواد على الاكثر 😌😌