قرار التكليف رقم ( 700 )الخاص بخريجى المعهد الفنى الصحى

قرار التكليف  رقم ( 685 )الخاص بخريجى المعهد الفنى الصحى شعبة أشعة

مبروك لكل  اخيرا هيستلمو التكليف 

بالنسبه لشعبه ( اشعه ) 

رقم قرار التكليف ( 685 )

.....

باذن الله اللى عليكم دلوقتى .. 

يوم الاربع باذن الله 

هتروحو ( الاداره - لو انتو جامعه )

             ( المدريه - لو انتو صحه ) 

             ( هيئه الرعايه الصحيه - لو انتو تامين صحى او شامل ) 

             ( الامانه العامه .. ( روحو الاداره بتاعتها فى كل محافظه ليها اداره منفصله ) 

..

هيطلبو منكم شويه اوراق 

هتجهزوها ..

هتشترو مصوغات التعيين و استماره الكشف الطبى 

بعدها هيطلع ليكم قرار ( ان المجموعه دى من فنيين الاشعه عندنا احنا فى اداره الجامعه مثلا .. و دا قرار تعيينهم .. و بيكون ملحق بيه صوره قرار التكليف ..

وقتها بتروحو المستشفى اللى هتتوزعو عليها 

تطلعو شؤن العاملين فى المستشفى .. 

و بعد كدا هتخلوهم يمضولكم على استماره الكشف ..

بعدها تتصل على الرقم اللى على الاستماره 

و تقولهم انا فنى و هستلم التكليف و عاوز اعمل الكشف الطبى 

هيحجزلك معاد فى يوم معين فى وقت معين فى اقرب مجمع تامين صحى ليك .. 

تروح بالاستماره و حوالى ٥٠٠ ج 

هتكشف باطنه و جلديه و عظام و رمد و هتعمل تحليل مخدرات و تحليل دم 

و بعدها بكام يوم هتروح الشؤن هتلاقى ورقك هناك و هتلاقى الاستماره برضو هناك ..

بعد كدا هتسلمهم فى المستشفى مصوغات التعيين و اقرار الزمه الماليه و صور شخصيه ليك و صور للبطاقه و لشهاده الميلاد .. و ( الموقف من التجنيد للشباب ) .. و اول ما بتقفل الدوسيه بتاعك 

.. 

بيبعتوك بورقه للمكتب الرئيسى تمضى حضور حتى لو الساعه ١:٣٠ الظهر ..

و دا بيبقى اول يوم ليك رسمى و اول يوم ليك فى المرتب ..

الف مليون مبروك ❤️

**( ملحوظه )**

كل ورقه معاك صورها مش اقل من ٥ نسخ و بذات استماره الكشف الطبى صورها ١٠ نسخ و تصريح مزاوله المهنه برضو ١٠ صور 

هتحتاجوهم جدا بعد كدا ..