الأزهر تتيح لجميع المعاهد الأزهرية تركيب خط ارضى ونت we
١ - بتقدم طلب باسم المعهد بتركيب خط ارضى وتوصيل خدمة النت لمعهدك لصاحب الفضيلة رئيس الإدارة المركزية لمنطقتك
٢- رئيس الإدارة المركزية لمنطقتك بيحولة لشئون الإدارية بالمنطقة
٣- الشئون الإدارية بتخاطب شركة we لتركيب الخط الارضى لمعهدك
٤ - بيجى للمعهد فنى لتركيب الخطوط من شركة we لعمل مقايسه للخط الارضى وبيبلغ بيها شركتة
٥- شركة we بتخاطب منطقتك بضرورة تحويل مبلغ المقايسة والاشتراك السنوى للخط الارضى مقدما الخاص بمعهدك
٦- الشئون الإدارية بتعمل الموافقات من قطاع المعاهد وبتحويل المبالغ إلى شركة we
٧- بيجى فنى تركيب الخطوط وبيتم تركيب الخط بالمعهد وذلك بعد تحويل كافة المبالغ المستحقة لشركة we
٨- بيتم عمل خطاب للمنطقة بأنه قد تم تركيب الخط الارضى بالمعهد ويعمل بكفائة ويكتب فى الخطاب رقم الخط الارضى بالمعهد
٩- بيتم عمل تفويض باسم شخص بالمعهد لتعاقد على توصيل خدمة النت من اقرب فرع لمعهدك من شركة we
ملحوظة هامه جدااا
بيتم عمل التفويض من اصلين مكتوبين على الكمبيوتر ولا يوجد بيهم اى كتابة بالقلم الجاف عدا التوقيعات فقط ويوجد بكل منطقة فورمة للخطاب
١٠ - عند التعاقد على النت بيكون مع حضرتك صوره البطاقة وعدد ١ خطاب تفويض لتوصيل خدمة النت لمعهدك وبتسيب رقم تليفون حضرتك عند تقديم الطلب
١١ - بتجيلك رساله من شركة we بتفعيل خدمة النت على الخط الارضى الخاص بمعهدك
١٢ - بتذهب لنفس الفرع ( او اى فرع لشركة we ) ومعك صوره بطاقة وعدد ١ اصل من التفويض الخاص بتوصيل خدمة النت وبيتم تسليمك الروتر
( لو ليك خبرة فى تركيب الروتر بتوصلة بنفسك لو ملكش خبرة بتشوف حد يوصله لحضرتك )
ملحوظة مهمة جداااا
بتسيب الروتر لمده ١٥ يوم متصل بالكهرباء دون فصله نهائى حتى تاتيك السرعة كامله
ملحوظه هامة جدا
الشخص الذى خرج باسمه التفويض بيدفع الاشتراك الشهرى لنت اول شهر وبتذهب لمنطقتك ومعك صوره من التعاقد وإيصال دفع المبلغ إلى الشئون الإدارية بمنطقتك وبيتم استرداد المبلغ المدفوع لحضرتك مره اخرى
دا كل شى مطلوب فى توصيل الخط الارضى وخدمة النت وربنا يوفقكم جميعا
إرسال تعليق